Yéning selehin daging artos parinama kasusastran wantah mawit saking basa Sansekerta  lingganipun  sastra sané mateges aksara piranti ngajahin, tatwa kaweruhan  . Kruna sastra (úàstra ; sanskrit) pinaka wangun pasang pageh ring sajroning basa Bali,  polih pangater [su -] raris polih konfiks [ka – an] dados kruna tiron Kesusastraan. Kruna sastra sané mateges ‘ajah-ajahan’, ’kawruhan’, polih pangater [su -] sané mateges ‘luih’, ’becik’, miwah konfiks [ka –  an] sané nyinahang artos kawéntenan. Dadosnyané kruna kasusastran mateges kawéntenan utawi kawruhan  sané luih utawi becik tur mabuat. Ring sajroning panglimbakannyané, kasusastran Bali salian sané katami marupa kasusatran kuna, sané nganggé basa : Jawa Kuna, Kawi, Jawi Tengahan, Bali Kawi, taler wénten sané nganggé basa Melayu miwah sasak.

kunjungi : Web SMK TI Bali Global Singaraja

ring sor puniki silih sinunggil materi sastra Bali inggih ipun Drama Bali modern

Bahasa Bali pinaka bahasa Ibu ring Bali, pinaka basa krama Bali. Mangkin ri kala iraga sareng sami ngarepin zaman sané kabaos era global, saha maweweh krisis global, sampun majanten pacang akéh keni iusan sané nénten becik mantuk ring kawéntenan seni lan budaya Baliné. Yening uratiang becik-becik, sampun akéh budaya druéné katiben pikobet sané nénten becik. Luiripun: kawéntenan sesolahan sané sampun ninggalang pakem-pakem seni sané asli, wénten sesolahan Péndét iraga ring Bali sané kangken wong ring jagat Malaisya. Taler mangkin akéh pisan yowana Baliné sané wikan nganggén mabasa Inggris, mabasa Jepang, mabasa Mandarin nanging nenten uning sor singgih basa Bali, taler kawagedan sisiané nyurat aksara Bali sampun sayan- sayan lali. Mangda nénten iraga utawi para yowana ring Bali maosang raga utawi déwék dados jana Bali nanging ten bisa mabasa Bali. Yéning durung, ngiring kawitin saking mangkin mabaosan nganggén basa Bali. Malajahin basa Bali, punika makacihna iraga satata éling ring angga.